پشاور: معروف گلوکارہ گل پانڑہ کا ایک ویڈیو پیغام سامنے آگیا جس میں انہوں نے قوم سے کورونا وائرس کی وجہ سے احتیاطی تدابیر اختیار کرنے پر زور دیا۔ گل پانڑہ نے کہا کہ ہمیں کورونا وائرس کے خلاف ایک ہوکر لڑنا ہے، ہم اس میں ضرور سرخ رو ہوں گے۔
گلوکارہ گل پانڑہ نے کہا میری تمام قوم سے اپیل ہے اور درخواست ہے کہ حکومت کا ساتھ دیں اور تمام احتیاطی تدابیریں اختیار کریں۔ گلوکارہ نے کہا کہ چین اور اٹلی میں اس وائرس کو لوگوں نے سنجیدہ نہیں لیا اس لیے اس نے وہاں کے لوگوں کو متاثر کیا۔ ان کا کہنا تھا کہ ان ممالک جیسی صورتحال پاکستان میں نہ بنے اس لئے تمام احتیاطی تدابیر کو اپنائیں۔ گل پانڑہ نے کہا کہ ہمیں اس وبا کے خلاف ایک ہوکر لڑنا ہے، ہم اس میں ضرور سرخ رو ہوں گے