شوگر انکوائری کمیشن کی رپورٹ وزیراعظم کو موصول

شوگر انکوائری کمیشن نے وزیرِ اعظم عمران خان کو اپنی رپورٹ پیش کر دی۔

تفصیلات کے مطابق  ڈی جی ایف آئی اے واجد ضیا نے شوگر انکوائری کمیشن کی مرتب کردہ حتمی رپورٹ آج پرائم منسٹر ہاؤس میں معاون خصوصی شہزاد اکبر کے ہمراہ وزیراعظم عمران خان کو پیش کی۔

ذرائع کے مطابق شوگر کمیشن کی حتمی رپورٹ میں شوگر ملز مالکان پر ٹیکس چوری کا الزام عائد کیا گیا ہے اور 200 سے زائد صفحات کی رپورٹ کے ساتھ شوگر ملز مالکان کے بیانات بھی لگائےگئے ہیں۔

ذرائع کے مطابق وزیراعظم کو رپورٹ کی ایگزیکٹو سمری اور مرکزی پوائنٹ سے آگاہ کیا جائیگا اور تفصیلی بریفنگ دی جائے گی جب کہ واجد ضیاء الگ سے بھی وزیراعظم کو بریف کریں گے۔