ملک میں گزشتہ چوبیس گھنٹے کے دوران کورونا وائرس سے مزید 27 مریض جاں بحق

ویب ڈیسک (اسلام آباد): ملک میں کورونا وائرس سے صحت یاب ہونے والے افراد کی تعداد میں نمایاں اضافہ ہوا ہے جو دو لاکھ چوالیس ہزار883 سے تجاوز کرگئی ہے ۔

نیشنل کمانڈ اینڈ آپریشن سنٹر کی طرف سے جاری کردہ تازہ ترین اعدادوشمار کے مطابق ملک میں گزشتہ چوبیس گھنٹے کے دوران کورونا وائرس سے 27 مریض جاں بحق اور ایک ہزار تریسٹھ افراد میں وائرس کی تشخیص ہوئی ہے۔
اس دوران اکیس ہزار دوسو چھپن افراد کے کرونا ٹیسٹ کیے گئے۔