دنیابھرمیں کورونا وائرس سے متاثرہ مریضوں کی تعدادایک کروڑبانوے لاکھ سے تجاوزکرگئی

ویب ڈیسک: دنیابھرمیں کوروناوائرس سے متاثرہ مریضوں کی تعدادایک کروڑبانوے لاکھ پچاس ہزار سے تجاوزکرگئی ہے جبکہ اب تک اس عالمی وبا سے سات لاکھ سترہ ہزار چھ سوچوالیس اموات ہوئی ہیں۔

وباء سے امریکہ سب سے زیادہ متاثرہواہے جہاں مریضوں کی تعداد پچاس لاکھ سے زائد اور مرنے والوں کی تعدادایک لاکھ باسٹھ ہزارآٹھ سوچارہے، اس کے بعد دوسرا بڑا متاثرہ ملک برازیل ہےجہاں انتیس لاکھ سے زائدافرادمیں وائرس کی تشخیص ہوئی ہے جبکہ اٹھانوے ہزار چھ سوچوالیس افرادہلاک ہوئے ہیں۔

بھارت میں بھی کورونا وائرس سے متاثرہ مریضوں کی تعداد بیس لاکھ سے تجاوز کرگئی ہے جبکہ وائرس سے اب تک اکتالیس ہزار چھ سو اڑتیس اموات ہوچکی ہیں۔

دنیابھرمیں اب تک وائرس سے متاثرہ ایک کروڑ تئیس لاکھ پچاس ہزارسے زائدافراد صحت یاب ہوئے ہیں۔