ویب ڈیسک: (اسلام آباد): پارک لین ریفرنس میں احتساب عدالت نے نیب کے دائرہ اختیار کیخلاف سابق صدر آصف زرداری کے وکیل فاروق نائیک کی درخواست مسترد کردی۔ عدالت نےآج دلائل مکمل ہونے پرآصف علی زرداری کی درخواست پر فیصلہ محفوظ کیا تھا۔ احتساب عدالت نے فیصلہ سنایا کہ آصف زرداری کیخلاف پارک لین ریفرنس نیب کا کیس ہی بنتا ہے۔ احتساب عدالت نے آصف علی زرداری پرپیر 10 اگست کو فردِجرم عائد کرنے کا فیصلہ کیا ہے۔
پارک لین ریفرنس میں فردِجرم کےبعدآصف زرداری کیخلاف نیب 61 گواہان پیش کرے گا۔نیشنل بنک کےدو سابق صدورسیدعلی رضا اورسیدقمرحسین وعدہ معاف گواہ بھی بن چکے ہیں۔
احتساب عدالت نے جج نے کہا کہ فرد جرم کے لئے ویڈیو لنک سمیت تمام ضروری ہدایات جاری کریں گے اور آج شام تک فیصلے کی نقول بھی مل جائیں گی۔