merlin 158120826 6daf7e41 8a29 4c55 9e23 5c3b1a5ba40c videoSixteenByNineJumbo1600

افغانستان کے صوبے قندھار میں دھماکہ ، خاتون سمیت تین بچے جاں بحق ،6زخمی

ویب ڈیسک :افغان صوبے قندھار میں دھماکے سے خاتون اور تین بچے جاں بحق ہوگئے۔افغان میڈیا کے مطابق جمعرات کی صبح صوبے قندھار کے ضلع پنجوائی میں سڑک کنارے بم دھماکا ہوا جس کے نتیجے میں ایک خاتون اور تین بچے جاں بحق ہوگئے۔پولیس کے مطابق دھماکے میں 6 افراد زخمی بھی ہوئے جن میں چار بچے ایک خاتون اور ایک مرد شامل ہے۔افغان میڈیا کا بتانا ہے کہ فی الحال کسی گروپ نے دھماکے کی ذمہ داری قبول نہیں کی ہے۔پولیس نے بتایا کہ دھماکا اس وقت ہوا جب ایک گاڑی سڑک پر موجود دھماکا خیز مواد پر چڑھی جس کے نتیجے میں بچے اور خاتون موقع پر ہی جاں بحق ہوگئے جب کہ زخمی ہونے والوں کو فوری طبی امداد کے لیے اسپتال منتقل کردیا گیا۔اس سے قبل اتوار کے روز بھی افغانستان کے ضلع ارغزستان میں سڑک کنارے مائن کا دھماکا ہوا تھا جس کے نتیجے میں 8 عام شہری جاں بحق ہوگئے تھے۔

مزید پڑھیں:  داعش کا ماسکو پر حملہ کرنا ناقابل یقین ہے، ترجمان روسی وزارت خارجہ