وزیراعظم غریب خواتین کیلئے آج احساس کفالت پروگرام کا باضابطہ آغازکریں گے

وزیراعظم عمران خان غریب خواتین کوسماجی اورمعاشی طورپربااختیاربنانے کے لئے آج (جمعہ) اسلام آباد میں احساس کفالت پروگرام کا باضابطہ آغازکریں گے۔اس پروگرام کے تحت پورے ملک میں انتہائی مستحق اورغریب خواتین کوشفاف طریقہ کارپرمبنی ادائیگی کے نظام کے تحت ماہانہ دوہزارروپے وظیفہ دیاجائے گا۔بینظیرانکم سپورٹ پروگرام سے استفادہ کرنے والے تمام موجودہ اہل افراد احساس کفالت پروگرام کاحصہ رہیں گے۔احساس کفالت پروگرام سے متوقع طورپراستفادہ کرنے والی خواتین کی کل تعداد 70لاکھ کے قریب ہے ۔70اضلاع میں ایک لاکھ خاندان کااندراج پہلے ہی شروع ہوچکاہے اور ان خاندانوں کوآئندہ دوماہ میں کفالت وظیفہ ملناشروع ہوجائے گا۔مزیدمستحق خاندان ڈیسک رجسٹریشن کے ذریعے شامل کئے جائیں گے اورسال کے اختتام تک دوسرے اضلاع کوبھی پروگرام میں شامل کیاجائے گا۔کفالت وسیع تراحساس پروگرام کاحصہ ہے جس کے تحت خواتین کوخودغربت سے نکالنے کیلئے مواقع تک بہتررسائی حاصل ہوگی۔

اپنا تبصرہ بھیجیں