پاکستان اور سعودی عرب کے وزرائے خارجہ کی کشمیر کے بشمول مختلف اُمور پر بات چیت

سعودی عرب کے وزیر خارجہ فیصل السعود نے آج اپنے پاکستانی ہم منصب شاہ محمود قریشی سے ملاقات کی۔ دونوں قائدین کے درمیان کشمیر کے بشمول مختلف اُمور پر تبادلہ خیال کیا گیا۔ پاکستانی وزارت خارجہ کے دفتر نے بتایا کہ دونوں قائدین نے دونوں ممالک کے درمیان باہمی تعلقات کی اہمیت پر زور دیا اور مختلف شعبوں میں باہمی تعاون و اشتراک میں اضافہ کا فیصلہ کیا گیا۔ محمود قریشی نے کشمیر کاذ کیلئے سعودی عرب کے تعاون کی ستائش کی۔ سعودی عرب او آئی سی کا اہم رکن ہے۔ او آئی سی پلیٹ فارم سے بھی کشمیر مسئلہ کیلئے کام کرنے پر غور کیا گیا۔ علاقائی ترقی اور دیگر اقدامات پر دونوں قائدین نے تفصیلی بات چیت کی۔ قبل ازیں موصولہ اطلاعات کے مطابق پاکستان کی درخواست کے باوجود سعودی عرب نے کشمیر پر او آئی سی کے وزرائے خارجہ کا اجلاس طلب کرنے میں کوئی دلچسپی نہیں دکھائی تھی۔