وزارت اوورسیز پاکستانیز اور سوشل سکیورٹی ملائیشیا کے درمیان اہم معاہدے پر دستخط۔

ملائیشیا: پاکستانی محنت کشوں کی ملائشین سوشل سیکورٹی میں رجسٹریشن شروع۔ ملائشین ایمپلائرز قانونی طور پر کام کرنے والے پاکستانی محنت کشوں کی معلومات ملائشین سوشل سکیورٹی کو دیں گے۔ حادثے کی صورت میں پاکستانی محنت کشوں کو مفت طبی اور مالی امداد فراہم کی جائیں گی۔

انتقال کی صورت میں اہل خانہ کو تاحیات ماہانہ وظیفہ ملے گا۔ ہر سال تقریبا پندرہ ہزار پاکستانی کام کےغرض سے ملائیشیا جاتے ہیں۔ اس معاہدے کے تحت ملائیشیا میں کام کرنے والے 82000 پاکستانی فائدہ اٹھا سکیں گے۔

دستخط کی تقریب سوشل سکیورٹی ملائیشیا کے ہیڈکوارٹر میں ہوئی۔ پاکستان کی طرف سے ہائی کمشنر آمنہ بلوچ اور ملائیشیا کی طرف سے سی ای او سوشل سیکیورٹی داتو سیری محمد نے دستخط کیے۔