duniya

الحدیدہ میں شہریوں کے مکانات حوثی ملیشیا نے فوجی چھائونی میں بدل ڈالے

یمن کے حوثی ملیشیا کی طرف سے الحدیدہ گورنری میں الدریھمی شہر میں شہریوں کے گھروں کو فوجی چھائونی میں تبدیل کردیا گیا۔
ڈرون کے ذریعے بنائی گئی ایک ویڈیو فوٹیج میں دیکھا جاسکتا ہے کہ حوثی ملیشیا نے الدریھمی شہر میں عام شہریوں کےگھروں کو فوجی چھائونی میں تبدیل کررکھا ہے۔
یمن کے مغربی ساحل کے محاذ پر متعین جوائنٹ فورسز کی مانیٹرنگ ٹیم کی طرف سے گذشتہ روز ایک فوٹیج جاری کی گئی ہے جس میں حوثی ملیشیا کے جنگجوئوں کو شہریوں کےگھروں میں داخل ہوتے، توڑپھوڑ کرتے اور شہریوں کو ہراساں کرتے دیکھا جا سکتا ہے۔
حوثی ملیشیا کےجنگجو نہ صرف گھروں میں گھس گئے بلکہ انہوں نے اس علاقے میں دفاعی خندقیں کھودنا بھی شروع کر دیں اور شہری آبادی کو ڈھال کے طور پر استعمال کرنے لگے ہیں۔

مزید پڑھیں:  دہشت گردی کا منبع افغانستان میں ہے، خواجہ آصف