اسلام آباد: سیاسی قیادت کرونا کے خطرے سے نمٹنے کےلئے متحد،کرونا وائرس کے مقابلے کےلئے پارلیمانی کمیٹی کی تشکیل پر سپیکر قومی اسمبلی کے رابطے مکمل، تمام سیاسی جماعتوں کے پارلیمانی لیڈرز نے پارلیمانی کمیٹی کا حصہ بننے پر آمادگی ظاہر کردی. پارلیمانی کمیٹی جلد ہی تشکیل دیے جانے کا امکان، کمیٹی میں سینیٹ اور قومی اسمبلی کے سینیر پارلیمانی رہنما شامل ہونگے. سپیکر نے بلاول بھٹو،خواجہ اصف، رانا تنویر، اسعد محمود، پرویزخٹک، طارق بشیر چیمہ اور چیئرمین سینیٹ سے رابطے کیے.
چیئرمین سینیٹ صادق سنجرانی کو بھی کمیٹی کےلئے اراکین کے نام دینے کی درخواست، پارلیمانی کمیٹی وزیراعظم عمران خان کی ہدایت پر تشکیل دی جارہی ہے. پارلیمانی کمیٹی کرونا وائرس کی روک تھام کےلئے سفارشات مرتب کرے گی. کمیٹی کرونا سے نمٹنے کے اقدامات کا بھی جائزہ لے گی.
