ETc9dZMWsAAZGyt

دنیا بھر میں کورونا وائرس کے مریضوں کی تعداد جاننے کیلئے عالمی ادارہ صحت نے اپنا واٹس ایپ نمبر جاری کردیا۔

ویب ڈیسک: دنیا بھر میں کورونا وائرس کے مریضوں کی تعداد جاننے کیلئے عالمی ادارہ صحت نے اپنا واٹس ایپ نمبر جاری کردیا۔

عالمی ادارہ برائے صحت (ڈبلیو ایچ او) اور  یونائیٹڈ نیشنز ڈیولپمنٹ پروگرام (یو این ڈی پی) نے مشترکہ طور پر  واٹس ایپ پر ایک ایسا میسیجنگ پلیٹ فارم تیار کیا ہے جہاں صارفین کووڈ-19 سے متعلق تازہ ترین معلومات حاصل کرسکتے ہیں۔

عالمی ادارہ صحت کی جانب سے جاری کردہ ہدایت کے مطابق دنیا بھر میں موجود تمام لوگ اس پلیٹ فارم سے فائدہ اٹھانے کے لیے آفیشل نمبر (41798931829+) اپنے فون میں محفوظ کریں۔

مزید پڑھیں:  پاکستان سمیت دنیا بھر میں تھیٹر کا عالمی دن

اس پلیٹ فارم کے تحت کوئی بھی شخص دنیا بھر میں کورونا وائرس کے مریضوں کی تعداد جان سکتا ہے جب کہ کورونا سے متعلق احتیاطی تدابیر، سفری مشورے، اور کورونا سے متعلق جھوٹی افواہوں کے بارے میں بھی معلومات حاصل کرسکتا ہے۔

مزید پڑھیں:  پاکستان سمیت دنیا بھر میں تھیٹر کا عالمی دن

عالمی ادارہ صحت کی واٹس ایپ جیسی نجی شعبے کی کمپنی کے ساتھ شراکت داری دنیا بھر کے اربوں صارفین کو اس وقت حقیقی معلومات فراہم کرنے میں معاون ہوگی۔

کورونا وائرس سے دنیا بھر  میں ہلاکتوں کی تعداد 11 ہزار سے تجاوز کر چکی ہے جب کہ وائرس سے متاثرہ افراد کی تعداد 2 لاکھ 76 ہزار 113 ہوگئی ہے۔