کورونا نے ترقی پذیر ملکوں کے عوام کی صحت اور معیشت کو ہلا کر رکھ دیا ہے-فردوس عاشق اعوان

اسلام آباد:وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے ٹویٹ پیغام میں کہا کہ کرونا کے چیلنج نے بالخصوص ترقی پذیر ملکوں کے عوام کی صحت اور معیشت کو ہلا کر رکھ دیا ہے۔ انہوں نے کہا کہ وزیراعظم عمران خان کی دنیا سے قرضوں میں ریلیف کی اپیل ترقی پذیر ممالک کے غریب عوام کی آواز ہے۔ ترقی پذیر ممالک میں کرونا کے سماجی اور معاشی اثرات زیادہ گھمبیر ہو سکتے ہیں۔ ڈاکٹر فردوس عاشق اعوان نے بتایا کہ اس بحران سے نمبرد آزما ہونے کیلئے ایک مثر عالمی ردعمل وقت کا اہم تقاضا ہے۔ اقوام متحدہ جیسے عالمی اداروں کو انسانی حقوق کے آفاقی منشور پر کاربند رہتے ہوئے تیسری دنیا کے عوام کو بھوک اور افلاس سے بچانے کیلئے وسائل کی فراہمی اور ریلیف کا لائحہ عمل مرتب کرنے میں قائدانہ کرداراداکرنا ہو گا۔