کرونا وائرس کے باعث وزیراعظم کے دو متوقع بین الاقوامی دورے منسوح

ذرائع کے مطابق وزیراعظم کے دو مزید متوقع بین الاقوامی دورے منسوخ ہونے کا امکان۔ وزیراعظم نے متوقع طور پر 2 سے 4 اپریل تک نیپال میں بین الاقوامی لیڈران کی کانفرنس میں شرکت کرنا تھی۔ وزیراعظم کا اپریل کے تیسرے ہفتے میں بنگلہ دیش کا دورہ متوقع تھا۔

وزیراعظم کو بنگلہ دیش میں ڈی ایٹ کانفرنس میں شرکت کی دعوت تھی۔ ڈی ایٹ کانفرنس کرونا وائرس کے باعث منسوخ کر دی گئی۔

اپریل کے آخر یا مئی کے پہلے ہفتے میں پاکستان سعودی عرب سپریم کوآرڈینیشن کونسل کے اجلاس کا منسوخ ہونے کا امکان۔ وزیراعظم کو کانفرنس میں شرکت کی دعوت دی گئی تھی۔

روس کی جانب سے وزیراعظم عمران خان کو عالمی جنگ عظیم دویم کے وکٹری ڈے کے حوالے سے مدعو کیا گیا ہے۔ وکٹری ڈے کا انعقاد مئی کے پہلے ہفتے میں متوقع ہے۔ وکٹری ڈے کا انعقاد روس کے دارالحکومت ماسکو میں ہونا ہے۔ کرونا وائرس کے باعث اس کانفرنس کا بھی ملتوی ہونے کا امکان۔