55c6feb8615e7

ایل او سی پر بھارت کی جانب سے بلا اشعتال فائرنگ – ایک جوان شہید

مظفر آباد: مقامی اسسٹنٹ کمشنر احمد سبحانی نے بتایا کہ یہ شہادت یہاں سے تقریبا 100 کلومیٹر جنوب مشرق میں واقع وادی لیپا میں ہوئی، جہاں صبح 7 بجکر 15 منٹ پر بلااشتعال شیلنگ شروع کی گئی اور یہ 4 گھنٹے تک جاری رہی،

انہوں نے ٹیلیفون پر ڈان کو بتایا کہ 16 سالہ لڑکا توحید، ڈنہ بیہک میں مٹی سے بنے ایک انفرااسٹرکچر سے دوسرے کی طرف جا رہا تھا کہ اس وقت اس کے قریب ایک درخت پر مارٹر گولہ آ گرا، جس سے اس کا پورا جسلم چھلنی ہوگیا اور وہ موقع پر ہی دم توڑ گیا،

مزید پڑھیں:  بونیر، گاڑی کھائی میں گرنے سے 8افراد جاں بحق

نہوں نے یہ بھی بتایا کہ شیلنگ کے نتیجے میں لڑکے کا چہرہ ناقابل شناخت ہو گیا تھا، خیال رہے کہ بیہک اونچائی پر واقع چراگاہیں ہیں جہاں دیہاتی موسم گرما میں اپنے مویشیوں کو چراتے ہیں،

احمد سبحانی نے بتایا کہ دسویں جماعت کا طالب علم پیر کے روز اپنے بہن، بھائی کے ہمراہ بیہک پر گیا تھا لیکن کنٹرول لائن کے پار سے دشمن کی جانب سے کی گئی بے دریغ جارحیت کا نشانہ بن گیا، اسے دوپہر میں اپنے آبائی گاؤں تلواڑی میں سپردخاک کردیا گیا،

مزید پڑھیں:  پاکستان کےمہمانوں پربری نظرڈالنےوالےہردہشتگردکاخاتمہ کرینگے،آرمی چیف

دوسری جانب پاک فوج کے شعبہ تعلقات عامہ آئی ایس پی آر کی جانب سے بھی اس سلسلے میں ٹوئٹ کی گئی اور بتایا گیا کہ لائن آف کنٹرول کے ساتھ لیپا سیکٹر میں بھارتی فوج نے بلا اشتعال فائرنگ سے شہری آبادی کو نشانہ بنایا اور آرٹلری، مارٹر اور بھاری ہتھیاروں کا استعمال کیا۔