Screen Shot 2020 07 09 at 1.36.22 PM

وزیراعلی خیبر پختونخوا کا صوبے کے پہلے کرونا ہسپتال کا افتتاح

پشاور : وزیراعلی خیبر پختونخوا محمود خان نے کرونا وائرس کے علاج کیلئے صوبے کے پہلے کرونا ہسپتال کا افتتاح کردیا،وزیر صحت تیمور سلیم جھگڑا اور دیگر موقع پر موجود.

ابتدائی طور پر ہسپتال 60 بستروں پر مشتمل ہے،ایک ماہ بعد اس تعداد کو 110 تک بڑھایا جائے گا، یہ ہسپتال ملک میں اپنی نوعیت کا پہلا ہسپتال ہے۔

مزید پڑھیں:  قومی کرکٹ ٹیم 5سال بعد آئرلینڈ کا دورہ کرے گی

ہسپتال بین الاقوامی ایس او پیز اور گائیڈ لائنز کے مطابق قائم کیا گیا ہے،ہسپتال میں کورونا مریضوں کے لئے ہر قسم کی سہولیات موجود ہیں، ہسپتال آئیسولیشن، ایچ ڈی یو اور آئی سی یو بیڈز پر مشتمل ہے۔

وزیر اعلی نے اس موقع پر اپنے خطاب میں کہا کہ ہسپتالوں کی استعداد کار کو بڑھانے کے لئے ترجیحی بنیادوں پر اقدامات کر رہے ہیں،حکومت جو بھی اقدامات لے رہی ہے وہ عوام کے مفاد کے لئے ہیں، عوام حکومت کے ساتھ تعاون کریں اور ایس او پیز پر عمل کریں ۔

مزید پڑھیں:  بونیر، گاڑی کھائی میں گرنے سے 8افراد جاں بحق