ویب ڈیسک (اسلام آباد):پاک فوج کے شعبہ تعلقات عامہ آئی ایس پی آرکے مطابق جنرل ہیڈ کواٹرز راول پنڈی میں چین کی پیپلز لبریشن آرمی کے 93 سال مکمل ہونے پر خصوصی تقریب کا انعقاد کیا گیا۔ اس موقع پر چینی سفارت خانے کے ڈیفنس اتاشی میجر جنرل چین وین ونگ کی سربراہی میں وفد نے تقریب میں شرکت کی۔
چینی ڈیفنس اتاشی نے پاکستان کے خلوص کو سراہا، جب کہ دونوں ممالک کی افواج نے ایک دوسرے کے قومی ترانے پر سلامی پیش کی۔
ڈی جی آئی ایس پی آر میجرجنرل بابر افتخار نے آرمی چیف جنرل قمر جاوید باجوہ کی جانب سے چینی وفد کاخیرمقدم کیا اور پی ایل اے کے قیام کی سالگرہ پر چینی وفد کو مبارکباد دی.