صوبہ صنعت وتجارت کا حب بننے کی پوری استعداد رکھتاہے-وزیر اعلیٰ خیبر پختونخوا

ویب ڈیسک: وزیر اعلیٰ خیبر پختونخوا کی زیر صدارت انڈسٹریل روڈ میپ کے حوالے سے اجلاس۔

وزیر اعلیٰ کا شعبہ صنعت میں ترقیاتی منصوبوں کی پیش رفت پر اطمینان کا اظہار،منصوبوں کی تکمیل سے معیشت اور روزگار کو فروغ ملے گا۔

وزیر اعلیٰ کا کہنا تھا کہ صنعتکاروں کو کاروبار دوست ماحول اور ون ونڈو آ پریشن کے تحت سہولیات کی فراہمی ترجیح ہے۔صوبہ صنعت وتجارت کا حب بننے کی پوری استعداد رکھتاہے،صوبے میں سات انڈسٹریل فسیلیٹیش سنٹرز فعال۔ازمک کے تمام زونز دفاتر فسیلیٹیش سنٹرز میں تبدیل۔

بریفنگ میں بتایا گیا کہ جلوزئی اکنامک زون کے تحت تمام صنعتی پلاٹس ایک ماہ کے اندر فروخت کیے گئے،نوشہرہ،ڈی آ ئی خان اور چترال اکنامک زونز بھی کمرشل اجراء کے لیے تیار ہیں۔غازی اکنامک زون دسمبر 2020 تک کمرشل اجراء کے لیے دستیاب ہوگا۔3125 ایکڑ رقبے پر مشتمل درابن اکنامک زون کے لیے انٹر نیشنل ٹینڈر کا عمل شروع ہے۔سی پیک روٹ سے دو کلومیٹر کے فاصلے پر واقع درابن اکنامک زون تقریباً 400 صنعتی یونٹس پر مشتمل ہو گا.

وزیراعلی کی درابن اکنامک زون کو سی پیک کے لیے تجویز کرنے کی ہدایت۔