سابق ڈپٹی چیف آف آرمی اسٹاف اور کور کمانڈر لیفٹیننٹ جنرل (ر) مظفر حسین عثمانی انتقال کرگئے

ویب ڈیسک: سابق ڈپٹی چیف آف آرمی اسٹاف اور کور کمانڈر کراچی لیفٹیننٹ جنرل (ر) مظفر حسین عثمانی کراچی میں دل کا دورہ پڑنے سے انتقال کرگئے، ان کی لاش ڈیفنس کراچی میں کار سے ملی ہے۔

ابتدائی دستیاب اطلاع کے مطابق وہ ڈیفنس فیز 8 میں دو دریا کے قریب کار چلا رہے تھے کہ انہیں دل کا دورہ پڑا اور وہ کار میں ہی انتقال کرگئے۔

ڈاکٹروں کی ابتدائی رپورٹ کے مطابق مظفر حسین عثمانی دل کا دورہ پڑنے سے انتقال کرگئے۔

لیفٹیننٹ جنرل (ر) مظفر حسین عثمانی مشرف دور کے بااثر جنرل تھے اور کور کمانڈر کراچی کے علاوہ ڈپٹی چیف آف آرمی اسٹاف کی حیثیت سے بھی خدمات انجام دیتے رہے۔