ویب ڈسک (): افغان مفاہمتی عمل کے بارے میں امریکہ کے خصوصی نمائندے زلمے خلیل زاد نے افغانستان میں امن کی بحالی اور مفاہمت کیلئے پاکستان کی کوششوں کوسراہا ہے۔
نیشنل پبلک ریڈیو کو دئیے گئے ایک انٹرویو میں انہوں نے کہا کہ افغانستان میں گزشتہ دو سال کے دوران امن کیلئے کی جانے والی کوششوں میں پاکستان مدد گار رہا ہے۔
زلمے خلیل زاد نے کہاکہ پاکستان نے افغان حکومت کے ساتھ مذاکرات کرنے اور تشدد میں کمی کیلئے طالبان کی حوصلہ افزائی کی ۔انہوں نے کہاکہ افغان رہنمائوں کے ساتھ رابطوں میں بھی پاکستان مددگاررہا ہے۔
