492451 2488424 Rana Sanaullah 2 akhbar 1

حکومت صرف مخالفین کیخلاف انتقامی کارروائی کررہی ہے۔(ن )لیگی رہنما رانا ثنا اللہ

ویب ڈیسک(لاہور) مسلم لیگ(ن )پنجاب کے صدر رانا ثنا اللہ کا کہنا تھا کہ ملک پر نالائق اورنااہل ٹولہ مسلط ہے۔ مہنگائی بڑھ گئی ہے۔ معیشت کی تباہ حالی بھی سب کے سامنے ہے، بجلی، چینی اور آٹے کی قیمتوں کا بوجھ عوام پرڈالا گیا۔ ملک میں کوئی عوامی فلاح کاکام نہیں ہورہا، کوئی گورننس نہیں ۔جس کا جو دل کر تا ہے وہی کررہا ہے۔
رانا ثنا اللہ کا کہنا ہے کہ پی ٹی آئی حکومت صرف مخالفین کیخلاف انتقامی کارروائی کررہی ہے، حکومت نے جھوٹے مقدمات میں اپوزیشن اراکین کو پھنسایا ہے، اپوزیشن کے خلاف انتقامی کارروائی افسوسناک ہے، شہباز شریف کے خلاف بے بنیاد کیسز کا پروپیگنڈا کیا جارہا ہے۔ایجنڈا کچھ ہوتا ہے اور وزیراعظم کہتے ہیں کسی کو نہیں چھوڑوں گا، وزیراعظم اپوزیشن کو گالیاں دینے والوں کی تعریف کرتے ہیں۔ انتقام کی آگ گلی محلوں تک پھیل گئی توحالات قابومیں نہیں ہوں گے۔
ایاز صادق کے بیان سے متعلق انکا مزید کہنا تھا کہ آئین کے تحت ایاز صادق کا اسمبلی میں دیا گیا بیان چیلنج نہیں ہوسکتا، محض انتقام کے باعث ایاز صادق کے بیان پر ہرزہ سرائی کی جارہی ہے۔ انہوںنے اگر غلط بات کی تھی تو کیا اسپیکر سوئے ہوئے تھے؟، اسپیکر نے ایاز صادق کا بیان حذف کیوں نہیں کیا؟ دیگر حکومتی وزرا ء اور اراکین بھی ایاز صادق کے بیان پر خاموش رہے۔
مریم نواز اور شہباز شریف کے درمیان اختلاف سے متعلق (ن )لیگی رہنما کا کہنا تھا کہ مریم نواز شہباز شریف کی بیٹی ہیں، ان کے درمیان کوئی اختلاف نہیںہے۔ حکومتی ترجمانوں کا کام اپوزیشن کے خلاف بیانیہ بناناہے۔ حکومت کو اپوزیشن کے بیانات بھارتی بیانیے سے منسوب کرنے کے سوا کوئی کام نہیں۔

مزید پڑھیں:  جنوبی وزیرستان، گھر کی چھت گرنے سے 6 افراد جاں بحق، 4 زخمی