برطانوی وزیراعظم نے انگلینڈ میں دوبارہ لاک ڈاؤن نافذ کرنے کا اعلان

ویب ڈیسک (لندن ):برطانوی وزیراعظم بورس جانسن نے انگلینڈ میں دوبارہ لاک ڈاؤن نافذ کرنے کا اعلان کردیا،کل سے فروری کے وسط تک پرائمری اور سکینڈری اسکولوں کو دوبارہ بند رکھا جائے گا۔ نئی پابندیاں مارچ میں نافذ اقدامات سے بھی زیادہ سخت ہوں گی۔

لوگ صرف اسی صورت میں گھروں سے باہر نکل سکیں گے جب بہت زیادہ ضروری ہو،مخصوص مشروبات ٹیک آوے کی بھی اجازت نہیں ہوگی۔

بورس جانسن نے کہا کہ کورونا وائرس کے کیسز میں تیزی سے اضافہ ہورہا ہے، نئے قسم کے کورونا وائرس پر قابو نہیں پایا جاسکا، جتنا ممکن ہو لوگ گھروں سے کام کریں،کورونا سے برطانیہ میں مزید 400 اموات کے بعد مجموعی تعداد 75 ہزار سے بھی زیادہ ہوگئی ہے ایک ہی روز میں مزید 58 ہزار سے زائد نئے کیسز بھی رپورٹ ہو گئے۔

دوسری جانب اسکاٹ لینڈ میں آج رات بارہ بجے سے دوسری بار مکمل لاک ڈاؤن نافذ ہو جائے گا۔