صوبائی وزیرتعلیم کامران بنگش کاعلاقہ قمبرخیل میں کھلی کچہری سے خطاب

ویب ڈیسک (جمرود): صوبائی وزیرتعلیم کامران بنگش نے کہا کہ وزارت خزانہ کی طرف سے صوبے کے کالجزکے لئے 1900 لیکچررز کی نئی اسامیوں کی منظوری ہوچکی ہے، لیکچررز کی ریکروٹمنٹ کا عمل جاری ہے، قبائلی اضلاع میں 300 ایڈہاک لیکچررز کی بھرتی کا عمل بھی جاری ہے، ایڈہاک لیکچررز کی بھرتی کے لئے صوبائی اسمبلی سے بل پاس کیا ہے، قبائلی اضلاع کی اسامیوں پر مقامی شہری ہی بھرتی ہوں گے، صوبائی حکومت محروم قبائلی اضلاع کی ترقی پر خصوصی توجہ دیتی ہے۔

دہشت گردی کے دورمیں تباہ ہونے والے پچاس سکولوں کی تعمیرنوکا کام شروع ہوچکاہے، خیبرتحصیل باڑہ میں تعلیم وصحت اورآبپاشی کے بڑے منصوبوں کا آغازہوچکاہے، تحصیل باڑہ میں دو ڈگری کالجوں کے فیزیبیلیٹی سروے کی منظوری ہوچکی ہے، کھلی کچہری میں قبائلی عمائدین، سیاسی وسماجی کارکنوں نے شرکت کی۔