ویب ڈیسک(لنڈی کوتل): طورخم سرحد پر انٹرنیٹ کیبل خراب ہونے کے باعث وی باک آن لائن سسٹم شدید متاثر ہوگئی ہے وی باک آن لائن سسٹم متاثر ہونے کے باعث بارڈر پر گاڑیوں کی کلیئرنس معطل۔
کلیئرنس معطل ہونے کے باعث بارڈر اور پاک افغان شاہراہ پر گاڑیوں کی لمبی قطاریں لگ گئیں بارڈر پر ایمپوررٹ اور ایکسپورٹ بند ، کلیئرنس کا عمل معطل ہونے کے باعث قومی خزانے کو یومیہ کروڑوں روپے کا نقصان ہوگا۔
ٹرانسپورٹرز اور ڈرائیوروں کو شدید مشکلات کا سامنا کرنا پڑ رہا ہے،بارڈر پر آئے روز مشکلات کے باعث دو طرفہ تجارت بری طرح متاثر ہے۔ٹرانسپورٹرز کا کہنا ہے کہانٹرنیٹ کیبل فوری بحال کی جائے۔
بارڈر حکام کے مطابق طورخم سرحد پر تعمیراتی کام کے باعث انٹرنیٹ کیبل کٹ گئی ہے،کیبل پر کام جاری ہے، مسئلہ جلد ہو کر کلئیرنس کا عمل شروع ہو جائیگا۔