ویب ڈیسک: وزیر اعظم عمران خان کی ہدایت پر ملک میں تیل سمگلروں کے خلاف مہم کے تحت 609 پٹرول پمپ سِیل کردیئے گئے ہیں اور تقریبا 45 لاکھ لیٹر پیٹرول اور ڈیزل ضبط کیا گیا ہے۔ وزارت داخلہ کے زیرِ انتظام تیل کی اسمگلنگ کے خلاف بلا امتیاز و تفریق مہم جاری ہے جس کے واضح اور مثبت نتائج سامنے آرہے ہیں۔
اگر سِیل کئے گئے پمپ کاروائی کے 7 دن کے اندر مستند دستاویزات نہیں پیش کرتے تو کسٹم ایکٹ کے تحت مالکان کی تمام جائیدادوں کے ساتھ پمپ ریاست ضبط کرنے کی مجاز ہوگی اور اس سے یہ اخذ کیا جائے گا کہ یہ جائیدادیں اسمگلنگ کے عمل سے غیر قانونی طور پر حاصل کی گئیں ہیں۔
