ضلعی انتظامیہ ملاوٹ مافیا کیخلاف سرگرم،مشہوربرانڈ کی جعلی پیکنگ کرنےپر4افراد گرفتار

ویب ڈیسک (پشاور):پشاور میں ضلعی انتظامیہ ملاوٹ مافیا کے خلاف سرگرم،اسسٹنٹ کمشنر (سٹی) نے رنگ روڈ پر گودام پر چھاپہ مارا،مشہور و معروف برانڈ کی پیکنگ میں جعلی شیمپو، پرفیوم و دیگراشیاء پیک کرنے پر چار افراد کو گرفتار کر لیا۔ ہزاروں کی تعداد میں جعلی شیپمو، پرفیوم و دیگر اشیاء برآمد کر کے گودام سیل کر دیا ۔

ڈپٹی کمشنر پشاوکا کہنا ہے کہ موقع سے پیکنگ میٹریل، خالی بوتلیں، جعلی شیمپو کے ڈرم، سٹیکرز اور پیکنگ مشینری برآمد کرلی گئی ڈپٹی کمشنر پشاورنےملاوٹ مافیا کے خلاف کاروائیاں تیز کرنے کی ہدایت کردی۔

ڈی سی پشاور کے مطابق گرفتار افراد کے خلاف قانونی کاروائی عمل میں لائی جائےگی۔