ویب ڈیسک: ایک بیان میں میجر جنرل بابر افتخار نےکہا کہ سب کو معلوم ہےکورونا سے پوری دنیا متاثر ہوئی،پاکستانی قوم نے کورونا کا کامیابی سے مقابلہ کیا،چین کی فوج نے افواج پاکستان کو ویکسین کا عطیہ دیا،ہیلتھ کیئر ورکرز نے کورونا سے مقابلے میں قوم کی بھرپورمدد کی،پاک فوج نے چینی فوج کی عطیہ کردہ ویکسین ہیلتھ ورکرز کو دےدیں.
علی سدپارہ کے بارے میں ان کا کہنا تھا کہ علی سدپارہ قوم کے ہیرو ہیں،علی سد پارہ اور ٹیم کی تلاش کےلیے فضائی آپریشن جاری ہے.
ڈی جی آئی ایس پی آر میجر جنرل بابر افتخار نے اپنے بیان میں مزید کہا ہےکہ فوج کو سیاست میں مت گھسیٹیں،کسی قسم کے کوئی بیک ڈور رابطے نہیں ہورہے،کسی قسم کی سیاست کے ساتھ ہمارا تعلق نہیں،بغیر تحقیق اس بارے میں بات کرنا کسی کو بھی سوٹ نہیں کرتا،اس قسم کی قیاس آرائیاں بند ہونی چا ہییں ،اگر اس متعلق کوئی ثبوت ہیں تو سامنےلائیں.
بھارت سے متعلق ڈی جی آئی ایس پی آر نے کہا کہ پچھلی پریس کانفرنس میں بہت سے شواہد سامنے رکھے،بھارت دنیا میں بہت حد تک بے نقاب ہو چکا ہے.
