ویب ڈیسک (پشاور): اسپیکر خیبر پختون خوا اسمبلی مشتاق احمد غنی کی میڈیا سے بات چیت، اسپیکر مشتاق غنی نے کہا کہ اگر کوئی شخص اپنا ضمیر فروخت کرتا ہے تو اس سے برا انسان کوئی نہیں، الیکشن 2018 میں ہم نے شفافیت کو اسپورٹ کیا، اپوزیشن کتنی بھی کوشش کرے، ہمیں نہیں خرید سکے گی، حکومت ہونے کے باوجود ہم نے نوشہرہ کی سیٹ ہاری کیونکہ ہم نے شفاف طریقے سے الیکشن لڑا.
اسپیکر مشتاق غنی نے مزید کہا کہ 2023 کے عام انتخابات میں بھی تحریک انصاف ہی جیتے گی، سینیٹ ویڈیو اسکینڈل اسپیکر ہاؤس کا نہیں، بلکہ ایف 8 اسلام آباد کے کسی گھر کا ہے، سینیٹ الیکشن میں اپنی گیارہ سیٹیں حاصل کرلیں گے، پی ٹی آئی کوسینیٹ الیکشن میں کوئی اپ سیٹ نہیں کرسکتا، اگر کوئی شخص اپنا ضمیر بیچتا ہے تو اس سے برا انسان کوئی نہیں.