ویب ڈیسک (راولپنڈی)راولپنڈی کے لڑکوں اور نوجوانوں نے پتنگوں کے ساتھ بسنت پر پابندی کا قانون بھی ہوا میں اڑا دیا شہر کے مختلف حصوں میں بسنت کا میلہ سج گیا پتنگ بازی کا سلسلہ جاری ہے۔
پولیس کا ڈرون کیمروں سے مانیٹرنگ کے دعوے دھرے کےدھرے رہ گئےپتنگ بازی میں کیمیکل ڈور کا آزادانہ استعمال کیا گیا۔
بیشترعلاقوں میں گھروں کی چھتوں پر لائٹنگ کی گئی میوزک نے بھی متوالوں کو خوب پرجوش کیے رکھا قاتل ڈور کے کھیل پر ہی بس نہیں ہورہا بلکہ شہرمیں آتشبازی کیساتھ فائرنگ بھی کی گئی۔
تفصیلات کے مطابق جگہ جگہ ہوائی فائرنگ سےتین افراد زخمی ہوئے ہیں تاہم راول ٹاؤن سرکل میں پولیس نے 32 سے زائد پتنگ بازوں کو گرفتار کرلیا۔
