وزیراعظم ایک روزہ دورے پر لاہور پہنچ گئے

ویب ڈیسیک (لاہور)وزیراعظم عمران خان ایک روزہ دورے پر لاہور پہنچ گئےہیں، عمران خان ایک روزہ دورے کے دوران وزیراعلیٰ پنجاب سے ملاقات کریں گے، والٹن میں سنٹرل بزنس ڈسٹرکٹ منصوبے کا سنگ بنیاد بھی شیڈول میں شامل ہیں۔

وزیراعظم ایوان وزیراعلی میں مختلف اجلاسوں کی صدارت کریں گے۔

وزیراعظم کو وزیراعلی پنجاب عثمان بزدار صوبے کے انتظامی و سیاسی امور پر بریف کریں گے۔

وزیراعظم کو حکومت پنجاب کے فرد ڈیجیٹلائز کرنے کے منصوبے پر بریفنگ دی جائے گی۔

ذرائع کے مطابق وزیراعظم عمران خان کو کم آمدنی والے افراد کے لئے ہاوسنگ منصوبےاور پنجاب میں نئے بلدیاتی نظام پر بریفنگ بھی دی جائے گی۔