ویب ڈیسک (پشاور) ضلعی انتظامیہ پشاور کی اہم کاروائی ،پشاور کےعلاقے میں ہشتنگری جعلی چائے بنانے والی فیکٹری پر چھاپے کے دوران دو ملزمان کو گرفتار کرلیا گیا ہے۔
ترجمان ڈی سی پشاور کے مطابق جعلی چائے بنانے والی کمپنی سے چنے کے چھلکے اور کیمیکل برآمد ہوئے ہیں۔
ترجمان ڈی سی پشاور کے مطابق فیکٹری سے 2200 کلو جعلی چائے سے بھری بوریاں بھی برآمد ہوئیں ہیں۔
ترجمان کے مطابق فیکٹری سے جعلی چائے بنانے کی مشینری بھی برآمد کرلی گئی جبکہ دو ملزمان کو گرفتار کرلیا گیا ہے۔گرفتارافراد کے خلاف قانونی کارروائی عمل میں لائی جائے گی۔
بعد ازاں اہلیان علاقہ نے کارروائی پر ضلعی انتظامیہ کا شکریہ ادا کیا۔