ویب ڈیسک (کراچی)ڈراموں کی اداکارہ اور پروڈیوسر گل رعنا کا کہنا ہے کہ اداکاری اپنی جگہ میرا اصل مقصد اسمبلی تک رسائی ہے، اسمبلی جاکر بھی تھیٹر میں کام جاری رکھوں گی لیکن شاید اداکاری مشکل ہو، اداکار باقاعدہ سوچ کر نہیں بنی تھی بلکہ وقت نے بنا دیا کیوں کہ میں تو بطور پروڈیوسر ڈراموں میں کام کرتی تھی لیکن اداکارہ و پروڈیوسر محمد احمد نے اصرار کرکے مجھے اداکارنے کرنے پر مجبور کیا اور قسمت کا کرنا یہ ہوا کہ اداکاری ہی کرتی رہی۔
اپنے ایک انٹرویو میں گل رانا نے کہا کہ سیاست میں میرے آنے کا واقعہ کچھ اس طرح ہوا کہ ایک روز مجھے قیصر نظامانی کی کال موصول ہوئی، انہوں نے بتایا کہ کلچرل ونگ ٹیم کی تشکیل نو ہو رہی ہے، کیا اس میں نام دے دوں جس پر میں نے فوری پر طور پر رضامندی ظاہر کردی جس کے بعد سیاسی سفر شروع ہوا تو ہم آگے بڑھتے گئے۔
میرا تعلق سیاست سے ہے تو مزید سفر بھی اسی جانب جاری رہے گا، میں 2018 کا الیکشن بھی لڑ چکی ہوں۔ اداکاری اپنی جگہ لیکن میرا اصل مقصد اسمبلی ہی ہے اور اگر مجھے سیاسی ذمہ داریاں مل گئیں تو میں اداکاری کو خیرباد کہہ دوں گی۔
انہوں نے یہ بھی کہا کہ انسان کو ہمیشہ ایک وقت میں ایک ہی کام کرنا چاہیے اور اگر میں اسمبلی میں جانے لگی تو پھر اداکاری کرنا مشکل ہوگا لیکن میں تھیٹر پھر بھی کروں گی کیوں کہ مجھے تھیٹر کرنا بہت پسند ہیں۔
