گلبہار میں نوجوان کو بیدردی سے قتل کرنے والا سفاک ملزم گرفتار

ویب ڈیسک (پشاور): گلبہار میں نوجوان کو بیدردی سے قتل کرنے والا سفاک ملزم گرفتار، ملزم فرمان نے آج نوجوان ولید کو قتل کیا تھا، ابتدائی طور پر واقعہ اندھے قتل کا واقعہ معلوم ہو رہا تھا۔ ہنگامی بنیادوں پر جامع تفتیش کا آغاز کیا گیا جس میں تفتیش کے دوران واقعہ راہزنی کا نکلا، ملزم نے نوجوان متوفی سے موبائل فون چھینا تھا، ملزم نے مزاحمت پر نوجوان ولید کو قتل کیا، واقعہ کے بعد آس پاس کے علاقوں کی سی سی ٹی وی فوٹیج حاصل کی گئیں، سی سی ٹی وی فوٹیج اور جیو فیسنگ سے ملزم کی شناخت ہوئی، ملزم عادی جرائم پیشہ ہے۔

ملزم کے طریقہ واردات کو سامنے رکھتے ہوئے ملزم سے دیگر کیسز کے متعلق بھی تفتیش کا عمل جاری ہے، ملزم سے چھینا گیا موبائل فون اور اسلحہ بھی برآمد۔

ایس ایس پی آپریشنز نے کہا کہ مقتول ولید اپنی بہن کے گھر آیا تھا، تمام لوگوں کا شکریہ ادا کرتا ہوں جنہوں نے گھروں اور مارکیٹ کے سامنے کیمرے لگائے تھے، ملزم کی شناخت سندھی ٹوپی سے ہوئی، ملزم کے شناخت پر موبائل ڈیلر کو بھی شامل تفتیش کیا گیا ہے، کیس کی مزید انوسٹی گیشن جاری ہے جس کے دوران ملزم کے ایسوسی ایٹس کی نشاندہی بھی متوقع ہے، آٹھ گھنٹے کے اندر اندر ملزم کی نشاندھی اور گرفتاری بڑی کامیابی ہے۔ ملزم فرمان کا تعلق شاہین مسلم ٹاؤن سے ہے،
ایف آئی آر میں سنیچنگ کے دفعات کی ایزادگی کی جائے گی۔