وزیر اعلی خیبر پختونخوا کا کوہاٹ میں اجتماعی قبر سے لاشیں برآمد ہونے پر اظہار افسوس، ورثاء کے لئے امداد کا اعلان

ویب ڈیسک :وزیر اعلی خیبر پختونخوا محمود خان کا کوہاٹ کے پہاڑی علاقے بو بو خیل میں اجتماعی قبر سے اغوا شدہ مزدوروں کی لاشیں برآمد ہونے کے واقعے پر اظہار افسوس، وزیر اعلی کا متاثرہ خاندانوں سے دلی ہمدردی اور تعزیت کا اظہار، مرحومین کی معفرت اور پسماندگان کے لئے صبر جمیل کی دعا۔

محمود خان نے کہا کہ متاثرہ خاندانوں کے غم میں برابر کے شریک ہیں، مقتولین کے ورثا کو تنہا نہیں چھوڑا جائے گا اور ان کی ہر ممکن مدد کی جائے گی، وزیر اعلی کا مقتولین کے ورثا کے لئے 10، 10 لاکھ روپے امداد کا اعلان، وزیر اعلی کا کمشنر کوہاٹ اور ڈی آئی جی کوہاٹ کو واقعے کی انکوائری کرکے رپورٹ پیش کرنے کی ہدایت۔