ویب ڈیسک (اسلام آباد)رمضان المبارک کا چاند دیکھنے کیلئے مرکزی رویت ہلال کمیٹی کا اجلاس کل ہوگا۔
تفصیلات کے مطابق مرکزی رویت ہلال کمیٹی کے اجلاس کی صدارت چیئرمین مولانا عبدالخبیر آزاد کرینگے۔
مرکزی رویت ہلال کمیٹی کا اجلاس ایڈمنسٹریٹراوقاف کے دفتر عید گاہ میں منعقد ہوگا۔
دوسری جانب پشاور کی مقامی رویت ہلال کمیٹی کا اجلاس کل مسجد قاسم علی خان میں ہوگا،غیر سرکاری رویت ہلال کمیٹی کی صدارت مفتی شہاب الدین پوپلزئی کریں گے۔
انتظامیہ مسجد قاسم علی خان کے مطابق شہادتیں آنے پر آج بھی ہنگامی اجلاس ہوسکتاہے ۔
