ویب ڈیسک (کراچی)ٹائیفائیڈ کےباعث ہسپتال میں داخل ٹی وی کی مقبول ترین اداکارہ سارہ خان کی طبیعت میں بہتری آگئی ہے۔
مداحوں کی جانب سے اپنی پسندیدہ اداکارہ کی ناسازیِ طبیعت پر تشویش کا اظہار کیا جارہا تھا، ایسے میں سارہ خان نے خود بھی اور ان کے شوہر گلوکار فلک شبیر نے ان کی طبیعت میں بہتری کی خبر دی ہے۔
سوشل میڈیا سائٹ انسٹاگرام پرسارہ خان اور فلک شبیر نے ایک اسٹوری شیئر کی جس میں کہا گیا کہ ’آپ سب کی دعاؤں سے سارہ کی طبیعت اب بہت بہتر ہوگئی ہے۔‘
فلک شبیرنےدعائیں کرنےوالے مداحوں کا شکریہ بھی ادا کیا۔
دوسری جانب سارہ خان نے اپنی اسٹوری میں رمضان مبارک لکھا، اور ساتھ ہی بتایا کہ وہ اس وقت کراچی میں موجود ہیں۔