خیبرپختونخواہ میں کورونا سے ایک اور ڈاکٹر شہید

ویب ڈیسک (پشاور)خیبرپختونخواہ میں کورونا سے ایک اور ڈاکٹر شہید ہوگئے جس کے بعد شہدا ڈاکٹرز کی تعداد 61 ہوگئی ہے۔

پراونشل ڈاکٹرز ایسوسیشن کے مطابق ڈاکٹر خیر محمد برکی کورونا کے باعث شہیدہوگئےہیں۔ڈاکٹر خیر محمد برکی پرائیویٹ ہسپتال آر ایم آئی میں کورونا آئی سی یو میں گزشتہ کئی دنوں سے داخل تھے اور گزشتہ رات خالق حقیقی سے جاملے۔

ڈاکٹرخیرمحمد برکی سابقہ ایم ایس ڈی ایچ کیو ہسپتال ٹانک اور سابقہ ڈی ایم ایس لیڈی ریڈنگ ہسپتال پشاور بھی رہے ہیں۔

ڈاکٹرخیرمحمد برکی کی نماز جنازہ آج 20اپریل 2021 کو انکے آبائی گاوں ٹانک میں ادا کی جائے گی۔