خیبرپختونخوافوڈسیفٹی اتھارٹی کی ملاوٹ مافیا کیخلاف صوبہ بھرمیں کاروائیاں

ویب ڈیسک(پشاور)خیبرپختونخوافوڈسیفٹی اتھارٹی نےملاوٹ مافیا کیخلاف کاروائی کی۔ ٹانک میں ڈسٹریبیوشن سنٹر سے 1000 لیٹرسے زائد مضر صحت جعلی مشروبات برآمد، ڈسٹریبیوشن سنٹر سے جعلی مشروبات مختلف دکانوں میں سپلائی کئے جاتے تھے۔

فوڈ سیفٹی اتھارٹی رنگ روڈ پشاورپرگودام پرچھاپہ مارا،کاروائی کے دوران650 کلوسےزائد ممنوع چائنہ سالٹ برآمد کیاگیا ہے۔انتظامیہ نے ممنوع چائنہ سالٹ کوضبط کرکے بھاری جرمانہ عائد کردیا ۔

دوسری جانب مردان کےعلاقے منگا اور محبت آباد میں جعلی جوس تیار کرنےوالی فیکٹری سے 1200 لیٹر سے زائد مضر صحت جوس برآمد کر کےفیکٹری کوسیل کردیا۔

جوس کی تیاری میں مضر صحت کیمکلز کا استعمال کیا جارہا تھا۔