ویب ڈیسک (اسلام آباد)وزیراعظم کی زیرصدارت وفاقی کابینہ کا اجلاس آج ہو گا۔ وفاقی کابینہ کا 8 نکاتی ایجنڈہ جاری کر دیا گیا ہے۔
اجلاس میں ملکی کورونا اور ویکسین کی صورتحال کا جائزہ لیا جائے گا۔ کابینہ کو ویکیسین سے متعلق بریفنگ دی جائے گی۔
عید الفطر پر قیدیوں کی سزا میں کمی اور سول انتظامیہ کی مدد کے لیے پاک فوج کی تعیناتی سمیت آٹھ نکاتی ایجنڈے کی منظوری متوقع ہے۔
کابینہ ملکی سیاسی و معاشی صورتحال کا جائزہ لے گی۔ ہیوی انڈسٹری ٹیکسلا میں پروڈکشن کنٹرول ممبر کی تعیناتی کی منظوری بھی متوقع ہے۔
ریلوے کنسٹرکشن پاکستان لیمیٹڈ کے سی ای او کی تعیناتی اور ریلوے اور ٹیکس بیریر میں نجی شعبہ کی شمولیت کی منظوری بھی ایجنڈے میں شامل ہے۔
