ویب ڈیسک (پشاور)نرسوں کے عالمی دن کے موقع پر وزیر اعلی محمود خان نے اپنے بیان میں کہا ہے کہ پورے ملک خصوصا خیبر پختونخوا کی نرسنگ کمیونٹی کو مبارکباد پیش کرتا ہوں۔
وزیر اعلی نے کہا ہے کہ نرسنگ کا پیشہ ایک قابل احترام پیشہ ہےآج معاشرے میں نرسوں کی اہمیت کو اجاگر کرنے اور انکی گرانقدر خدمات کے اعتراف کا دن ہے۔کورونا کی موجودہ صورتحال میں نرسنگ کمیونٹی گرانقدر خدمات انجام دے رہی ہے اورمریضوں کی جانیں بچانے کے لئے ڈاکٹروں اور دیگر طبی عملے کی طرح نرسز بھی بے لوث خدمات انجام دے رہے ہیں۔
انہوں نے کہا کہ آج کے دن میں نرسوں کو ان کے جذبہ خدمت کےلئے سلام پیش کرتا ہوں۔صوبائی حکومت نرسوں کی خدمات اور قربانیوں کو انتہائی قدر کی نگاہ سے دیکھتی ہے۔نرسنگ انسانیت کی بے لوث خدمت کا دوسرا نام ہےصحت کے نظام میں نرسنگ کا شعبہ ریڑھ کی ہڈی کی حیثیت رکھتا ہے۔
انہوں نے مزید کہا کہ صوبائی حکومت نرسوں کی فلاح و بہبود کے اقدامات کا سلسلہ جاری رکھے گی۔
