گورنر ہاؤس پشاور میں عیدالفطر کی نماز ادا

ویب ڈیسک( پشاور)گورنر ہاؤس پشاور میں عیدالفطر کی نماز ادا کر دی گئی۔وزیر اعلی خیبر پختونخوا محمود خان، صوبائی وزراء شوکت یوسفزئی، اقبال وزیر کے علاوہ آئی جی پی ثناء اللہ عباسی اور دیگر سرکاری حکام نے نماز عید ادا کی۔

کورونا وبا کے پیش نظر وزیر اعلی سمیت دیگر شراکاء ایک دوسرے سے بغل گیر نہیں ہوئے اور نہ ہی مصافحہ کیا۔

اس موقع پر ملکی ترقی و خوشحالی، امت مسلمہ کی اتحاد، فلسطین کے مظلوم مسلمانوں اور کورونا وبا سے نجات کے لئے خصوصی دعا کی گئی۔