ویب ڈیسک(نیودہلی)بھارتی ریاست آسام میں آسمانی بجلی گرنے سے 18 جنگلی ہاتھی ہلاک ہو گئے ۔
ذرائع کے مطابق جمعرات کو گاؤں کے افراد نے ایک جگہ پر 14 ہاتھیوں کو مردہ پایا اور دیگر چار ایک پہاڑی کے دامن میں مردہ پائے گئے۔
ہاتھیوں کی ہلاکت کی خبر سامنے آنے کے بعد وزیر جنگلات نے واقعہ کی تحقیقات کا حکم دیدیا ہے۔محکمہ جنگلات کی ابتدائی رپورٹ سے ظاہر ہوتا ہے کہ ہاتھیوں کی ہلاکتیں آسمانی بجلی گرنے سے ہوئی،تاہم فرانزک ٹیسٹ کرکے یہ جاننے کی کوشش کی جارہی ہے کہ کہیں ان ہاتھیوں کو کوئی زہرآلود چیز تو نہیں دی گئی۔