خیبرپختونخواحکومت کاکوروناویکسین کی خریداری کا فیصلہ

ویب ڈیسک(پشاور) خیبرپختونخواحکومت نےکوروناویکسین کی خریداری کا فیصلہ کیا ہے۔

سیکرٹری محکمہ صحت خیبرپختونخوا نے کہا ہے کورونا ویکسین کی خریداری کی سمری منظوری کےلئے وزیراعلی خیبرپختونخوا کو ارسال کر دی ہے،صوبائی کابینہ سے منظوری کے بعد کورونا ویکسین کی 10 لاکھ ڈوزخریدیں گےاور پولیس، اساتذہ دیگر سول سروسز فراہم کرنے والے ملازمین کو ویکسین لگائیں گے۔

انہوں کا مزید کہنا تھا کہ وفاقی حکومت کی جانب سے کورونا ویکسین فراہم کی جارہی ہے، عید پر پبلک ٹرانسپورٹ نہ ہونے کے باعث سے ویکسینیشن کا عمل سست ہوا ہے۔لاک ڈاؤن ختم ہونے کے بعد کورونا ویکسی نیشن میں تیزی آئے گی۔

سیکرٹری محکمہ صحت کے مطابق 30 سال کے عمر کے افراد کی کورونا ویکسینیشن شروع کررہےہیں،کورونا ویکسی نیشن سینٹرز میں کاونٹرز کی تعداد بھی بڑھائی جا رہی ہے۔ سینٹرز 276 سے 484 تک بڑھائیں گے۔