16 مئی سے صوبہ میں تمام ٹرانسپورٹ بحال، مارکیٹس اور کمرشل سرگرمیاں شام 8 بجے کے بعد بند ہو گی

ویب ڈیسک(پشاور)ایس او پیز کے تحت تمام سرکاری دفاتر 17 مئی پیر سے کھول دئیے جائینگے محکمہ داخلہ نے اعلامیہ جاری کردیا۔

جاری کردہ اعلامیہ کے مطابق صوبہ میں تمام ٹرانسپورٹ 16 مئی سےبحال کر دی جائے گی اورمارکیٹس ، کمرشل سرگرمیاں 17 مئی شام 8 بجے کے بعد بند ہونگی۔

اعلامیہ میں کہا گیا ہے کہ میڈ یسن کی دکانیں،پٹرول پمپس، دودھ دہی کی دکانیں،تندور،میڈیکل سروسز اور ہوٹل اور ریسٹورنٹس سے ٹیک اوے پر پابندی نہیں ہوگی جبکہ ریسٹورینٹس اور ہوٹل میں انڈر ڈور اور آوٹ ڈور سروس پر پابندی بر قراررہیگی صرف ٹیک اوے کی اجازت ہوگی۔

اعلامیہ میں عوامی مقامات پر ماسک پہنا لازمی قرار دیا گیا ہے خلاف ورزی کرنے والوں کے خلاف سخت کارروائی کی ہدایت کی گئی ہے۔