وزیراعلی محمود خان کا بیگم نسیم ولی کےانتقال پر اظہارِ تعزیت

ویب ڈیسک (پشاور)وزیر اعلی خیبر پختونخوا محمود خان نےعوامی نیشنل پارٹی کی رہنمابیگم نسیم ولی کے انتقال پر ان کے اہلِ خانہ سے تعزیت اوردلی ہمدردی کا اظہار کیا ہے۔

انہوں نے مرحومہ بیگم نسیم ولی کی مغفرت اور جنت الفردوس کے اعلیٰ درجات کے لیے دعا بھی کی ہے۔

وزیر اعلی محمود خان کا کہنا ہے کہ اہل خانہ کے غم میں برابر کے شریک ہیں، اللہ تعالٰی مرحومہ کی مغفرت فرمائے اور پسماندگان کو یہ صدمہ برداشت کرنے کا حوصلہ عطا فرمائے۔

واضح رہے کہ اے این پی کی سابق صوبائی صدر بیگم نسیم ولی خان طویل علالت کے بعد 88 برس کی عمر میں انتقال کر گئیں، وہ شوگراور عارضہ قلب میں مبتلا تھیں، ان کی نمازِ جنازہ آج شام 6 بجے ادا کی جائے گی۔