وفاقی حکومت نے ویکسینیشن نہ کروانے والوں کے خلاف سخت اقدامات پرغورکیا

ویب ڈیسک(اسلام آباد): کورونا ویکسین نہ لگوانے والے ہوجائیں ہوشیار، وفاقی حکومت نے ویکسینیشن نہ کروانے والوں کے خلاف سخت اقدامات پر غور شروع کردیا، 18 سال سے زائد عمر کے افراد کے ویکسینیشن سرٹیفکٹ بھی چیک کرنے کی تجویز، کورونا ویکسین نہ لگوانے والوں کے دفاتر، ریسٹورنٹس میں داخلوں پر پابندی کی تجویز بھی سامنے آگئی، سرکاری و نجی تمام دفاتر میں کورونا ویکسینیشن لازمی قرار دی جائے گی، ویکسینیشن نہ کروانے والوں کی موبائل سمز بھی بلاک ہوسکتی ہیں۔

ذرائع کے مطابق تجاویز وفاقی کابینہ کے آئندہ اجلاس میں زیر غور آئیں گی،حتمی فیصلہ وزیراعظم اور کابینہ کرے گی۔