ویب ڈیسک (پشاور)خیبرپختونخوا فوڈ سیفٹی اتھارٹی کا کہنا ہے کہ کوہاٹ کے علاقے کالو بانڈہ میں ٹرک سے 40 ہزار خراب انڈے برآمد ہوئے،خراب انڈے سپلائی کرنے پر مالکان کوگرفتارکرلیا گیا ہے جن کیخلاف مقدمہ درج کیا جائیگا جبکہ پشاورحاجی کیمپ اڈے کے قریب گودام سے 2000 کلو ممنوع چائنہ سالٹ برآمد کیا گیا ہے۔
انتظامیہ کے مطابق چارسدہ کے علاقے شیر پاؤ بازارمیں ڈسٹریبیوشن پوائنٹس سے 10 ہزار لیٹر سے زائد جعلی مشروبات برآمد ،جعلی مشروبات برآمد ہونے پر دو ڈسٹریبیوشن سنٹرزسیل کر کے بھاری جرمانہ عائد کیا گیا ہے۔
دوسری جانب کاروائی کے دوران تحصیل ادیزئی دیر لوئر میں ایک گودام سے تقریبا 3 ہزار لیٹر جعلی مشروبات برآمد کئےگئےجبکہ نوشہرہ کلاں بازار میں کاروائی کے دوران 80 کلو ممنوع چائنہ سالٹ برآمد کیا گیا ہے۔
