download 2 45

پشاور:کورونا کیسز میں کمی،لیڈی ریڈنگ ہسپتال کی او پی ڈی کھولنے کا فیصلہ

ویب ڈیسک (پشاور ) کورونا کیسز میں کمی کے باعث صوبے کے سب بڑے ہسپتال پشاورلیڈی ریڈنگ ہسپتال کی او پی ڈی کھولنے کا فیصلہ کیا گیا ہے۔

ہسپتال ترجمان کے مطابق او پی ڈی محدود مریضوں کے لئے پیر کے روز سے کھول دی جائے گی۔

او پی ڈی کے ذریعے نہایت ضروری داخلے اور آپریشن کئے جائیں گے۔انہوں نے کہا کہ ایل آر ایچ میں اس وقت بھی کورونا کے 102 مریض داخل ہیں،کورونا اب بھی موجود ہے احتیاطی تدابیر کے ساتھ سروسز فراہم کر رہے ہیں۔

ترجمان نے مزید بتایا کہ ابتدائی طور پر بہت ضروری یونٹس کی او پی ڈی کو کھولی جائے گی۔