ویب ڈیسک (مکہ مکرمہ): سعودی وزارت حج و عمرہ کے مطابق حج درخواستیں انفرادی طور پر جمع کرائی جائیں گی، حج کی درخواست میں مرافقین شامل نہیں ہوسکتے، خاندان کے افراد اگر حج کرنا چاہتے ہیں تو ہر ایک فرد کو الگ درخواست دینی ہوگی، درخواست منظور ہونے کے بعد، دوسرے مرحلے میں جب پیکیج خریدا جائے گا تو ساتھ فیملی کے دیگر افراد کو شامل کیاجاسکتا ہے، فیملی سربراہ اپنی درخواست جمع کراتے وقت مرافقین میں سے بیوی یا 18 سال سے زیادہ عمر کے بچوں کو شامل نہیں کرسکتا، کوئی شخص اپنے معمر والدین کو حج کرانا چاہتا ہے تو مرافقین کے طور پر انہیں شامل نہیں کرسکتا۔
ہر شخص کو خواہ مرد ہو یا عورت یا 18 سے زیادہ عمر کے بچے ہوں یا معمر افراد، ہر ایک کو الگ درخواست جمع کرانی ہوگی، پیکیج خریدتے وقت اپنے ساتھ مرافقین کو بھی شامل کیا جاسکتا ہے لیکن اسکی الگ فیس دینی ہوگی۔