ویب ڈیسک (پشاور)وزیر اعلی خیبر پختونخوا محمود خان نے چمکنی میں ایک ہی خاندان کے سات افراد کے قتل کے واقعے کا نوٹس لے لیا ہے۔
تفصیلات کے مطابق وزیر اعلی نے پولیس کو واقعے میں ملوث عناصر کو فوری گرفتار کرنے کے اقدامات کی ہدایت دی ہے۔
وزیر اعلی خیبرپختونخوا کا اس ضمن میں کہنا ہے کہ اس بہیمانہ قتل کے واقعے میں ملوث عناصر قانون کی گرفت سے بچ نہیں سکتے، انہیں جلد سے جلد گرفتار کرکے قانون کے کٹہرے میں لایا جائے گا۔
محمود خان نے کہا ہے کہ متاثرہ خاندان انسان کو مکمل انصاف فراہم کیا جائے گا۔
واضح رہے کہ وزیر اعلی خیبرپختونخوا نے متاثرہ خاندان سے تعزیت اور دلی ہمدردی کا اظہار بھی کیا ہے اور مرحومین کی معفرت اور پسماندگان کے لئے صبر جمیل کی دعا بھی کی ہے۔